ਤਾਜਾ ਖਬਰਾਂ
ਰਾਜਸਥਾਨ ਦੀ (ACB) ਨੇ ਐਤਵਾਰ ਨੂੰ ਭਾਰਤੀ ਆਦਿਵਾਸੀ ਪਾਰਟੀ ਦੇ ਬਾਗੀਦੌਰਾ ਤੋਂ ਵਿਧਾਇਕ.. ਜੈ ਕ੍ਰਿਸ਼ਨ ਪਟੇਲ ਨੂੰ 20 ਲੱਖ ਰੁਪਏ ਦੀ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀਂ ਫੜ ਲਿਆ। ACB ਅਧਿਕਾਰੀਆਂ ਨੇ ਦੱਸਿਆ ਕਿ ਪਟੇਲ ਨੇ ਵਿਧਾਨ ਸਭਾ ਵਿੱਚ ਸਵਾਲ ਨਾ ਪੁੱਛਣ ਦੇ ਬਦਲੇ 2.50 ਕਰੋੜ ਰੁਪਏ ਦੀ ਮੰਗ ਕੀਤੀ ਸੀ, ਜਿਸ ਵਿੱਚੋਂ ਪਹਿਲੀ ਕਿਸ਼ਤ ਵਜੋਂ 20 ਲੱਖ ਰੁਪਏ ਗੰਨਮੈਨ ਰਾਹੀਂ ਪ੍ਰਾਪਤ ਕਰਦੇ ਹੋਏ ਉਨ੍ਹਾਂ ਨੂੰ ਕਾਬੂ ਕੀਤਾ ਗਿਆ।
ACB ਨੇ ਵਿਧਾਇਕ ਦੇ ਜੈਪੁਰ ਅਤੇ ਬਾਗੀਦੌਰਾ ਵਾਲੇ ਟਿਕਾਣਿਆਂ 'ਤੇ ਛਾਪੇਮਾਰੀ ਵੀ ਕੀਤੀ ਹੈ। ਗੰਨਮੈਨ ਮੌਕੇ ਤੋਂ ਫਰਾਰ ਹੋ ਗਿਆ ਹੈ। ACB ਨੇ ਪਟੇਲ ਅਤੇ ਉਸਦੇ ਸਾਥੀਆਂ ਦੇ ਫੋਨ ਵੀ ਨਿਗਰਾਨੀ 'ਚ ਲੈ ਲਏ ਹਨ। ACB ਡੀਜੀ ਰਵੀ ਪ੍ਰਕਾਸ਼ ਮਹਿਰਾਦਾ ਸ਼ਾਮ 5:30 ਵਜੇ ਪ੍ਰੈਸ ਕਾਨਫਰੰਸ ਰਾਹੀਂ ਹੋਰ ਵੇਰਵੇ ਸਾਂਝੇ ਕਰਨਗੇ।
ਜੈ ਕ੍ਰਿਸ਼ਨ ਪਟੇਲ 2024 ਦੀ ਉਪ ਚੋਣ ਦੌਰਾਨ ਭਾਰਤੀ ਆਦਿਵਾਸੀ ਪਾਰਟੀ ਵਲੋਂ ਉਮੀਦਵਾਰ ਬਣੇ ਸਨ। ਉਨ੍ਹਾਂ ਨੇ ਭਾਜਪਾ ਦੇ ਸੁਭਾਸ਼ ਤੰਬੋਲੀਆ ਨੂੰ 51 ਹਜ਼ਾਰ ਤੋਂ ਵੱਧ ਵੋਟਾਂ ਦੇ ਫਰਕ ਨਾਲ ਹਰਾਇਆ ਸੀ। ਇਹ ਉਪ ਚੋਣ ਸੀਟ ਉਸ ਵੇਲੇ ਖਾਲੀ ਹੋਈ ਸੀ ਜਦੋਂ ਸਾਬਕਾ ਕਾਂਗਰਸੀ ਵਿਧਾਇਕ ਮਹਿੰਦਰਜੀਤ ਮਾਲਵੀਆ ਨੇ ਅਸਤੀਫਾ ਦੇ ਕੇ ਭਾਜਪਾ ਵਿੱਚ ਸ਼ਾਮਲ ਹੋ ਕੇ ਲੋਕ ਸਭਾ ਚੋਣ ਲੜੀ ਸੀ।
Get all latest content delivered to your email a few times a month.
